aventari
/-tà-/
a|ven|ta|ri
[AF]
-
s.m.
complès dai bens, une volte soredut vistîts, blancjarie e robis pe cjase, che la nuvice si puarte daûr tant che sô proprietât te cjase gnove di dopo maridade:
i veve scrit a di une fantate di Miorin, Curine, che e preparàs l'aventari che lui, cuant che al tornave, le cjoleve sul istant e le menave vie cun se (Dino Virgili, La aghe da pît la cleve);
cui mi varessial cjolte cussì, cence robe, che mio pari nol à volût dâmi nancje l'aventari… (Pieri Somede dai Marcs, Al fresc)
Var. inventari
-
s.m.
il complès di robis che a coventin par une cierte ativitât:
si inacuarç che il so costum al è deventât strent, che il gno si è slargjât, che chei dai fruts a son piçui ormai, che i sandui a son cunsumâts, che i cjapiei a son disformâts e ce saio jo. Al ven a stâi che in chei dîs al tocje di tornâ a fâ un gnûf aventari [par lâ al mâr] (Lucio Perès, Al mâr!)
-
s.m.
viôt inventari
:
al vignì un perît par fâ l'aventari di ce che a vevin lassât i doi vedrans (Pieri Menis, Chei di Muraie)