nemâl
ne|mâl
[FO]
-
s.m.
viôt animâl
:
nô no sin nemâi cualunche. Nô, oms, no sin fra i nemâi un dai tancj (Francesc Placerean, Crist resurît al colme dute la sperance dal om)
-
s.m.
bestie dumiestie, spec. di stale, pal solit in riferiment specific a vacjis e bûs:
co le dispearin dal tresêf, par lâ a marcjât, chei altris nemâi - la Garofule, la Rome, la Galande, la Viole e ancje il Temul e il Flôr là sù insom, sot il mûr - si voltarin a mungulâ (Dino Virgili, La aghe da pît la cleve);
vin une cjase gnove, une biele stale di nemâi, trente cjamps di tiere di lavorâ (Pieri Somede dai Marcs, Resurezion a Pontinie)
Cfr. bestie
-
s.m.
(fig.)
ancje tant che ofese, persone grubiane, ignorante, malcreançose o cun cualsisei carateristiche negative che e pues svicinâle aes bestiis:
a porconavin di cjoche, a porconavin fevelant, ridint, cjantant, rutant […] ce raze di nemâi! (Josef Marchet, Lis predicjis dal muini);
chel nemâl, il tenent Luccio, cumò al jere duncje tornât (Pieri Menis, Chei di Muraie);
ce brut vizi che o vês. No savêso che il vin nus fâs deventâ nemâi! (Riedo Pup, Beâts i viei)
Sin. bestie
Proverbis:
- dulà che a 'nd è nemâi, a 'nd è ancje piels
- l'om che al alce masse il bocâl al devente un nemâl
- o plui fen o mancul nemâi