mitic
/mì-/
mi|tic
[AF]
-
adi.
dal mît, de mitologjie:
devant di une distribuzion cussì largje di isomorfisims mitics e rituâi il Ginzburg si à ponût il probleme di motivâle cun criteri storic (Sandri Carrozzo, Difusion, origjin comune, morfologjie);
lis mitichis Amazons barbaris a vevin invadude la Atiche e menaçade Atenis. Teseu, l'eroi ateniês, lis veve combatudis e mandadis indaûr (Adrian Cescje, Memoriis di politiche linguistiche)
-
adi.
(fig.)
che al à caratars che no coincidin o che a coincidin dome in part cu la realtât:
O crôt che clamâ autonomiscj Berzanti, Comelli e Biasutti e sedi une peraule gruesse, ma a dopravin i struments de specialitât pai lôr fins politics che, almancul par ce che al tocje l'economic e il sociâl, a coincidevin cun chei dal mitic popul furlan, "salt, onest e lavoradôr" (Giorgio Cavallo, E jere une volte la Regjon Speciâl)
Sin. idealizât
, imagjinât
, utopistic
-
adi.
(fig., iperb.)
che al è une vore cognossût, considerât, che al è un pont di riferiment coletîf:
ti faseve scoltâ robe mitiche in vinîl, come Neil Young e Cream, Hendrix e Muddy Waters, Ramones e Pink Floyd […] (Dree Gardenâl, Achì si clame "il blues dai cuei": la musiche dal Missisippi al Friûl)
Sin. epic
, fantastic
, grant
-
(zerg.)
une vore biel, bon, positîf:
il gno coment spontani al è: «Mitic», volint doprâ il lengaç che a doprin chescj zovins (Antonio Nanni, Tecnologjie fûr dal trop)
Sin. cosmic
, ecezionâl
, fantastic
, galatic
, straordenari
-
adi.
(fig., iperb.)
che al à caratars tipics de epopee, de imprese straordenarie:
la grande, ciclopiche, imprese de Transsiberiane, il colegament mitic fra Europe e Asie (Max Mauro, Felix Marchi e il sium dal furlan-furlan)