misteri
/-é-/
mis|te|ri
[FO]
-
s.m.
fat che no si rive a capîlu cu la reson o che al à une reson ancjemò no cognossude:
lassât in bande la cuistion intrigose sul misteri de comparse de vite, dut ce che al ven dopo e je evoluzion seont i mecanisims metûts in lûs di Darwin (Lorenzo Marcolini, Recension di La scienza non ha bisogno di Dio);
o vin di scuvierzi il misteri di chest delit (Checo Tam, Sense);
al pâr che ducj le vedin fisse cun me! E je une robe che no sai spiegâ: un rût misteri! (AAVV, Sul florî)
Sin. domande
, enigme
, rebus
, segret
-
persone o robe che no si rive a capî ben o che no si lasse capî:
no si capive ce che i passave pal cjâf, e il so voli al deventave un misteri (Maria Forte, La tiere di Lansing)
-
tant che inter., par pandi maravee a front di alc che no si rive a motivâ:
cui vevial di sei stât mo a fâ la spie di ce che al veve dit te ostarie dal Cracul? Misteri! (Roberto Ongaro, Il muc)
-
s.m.
atmosfere o sensazion indeterminade di magjie, di segret:
o nulivi in dute la cuistion un savôr di misteri (Carlo Sgorlon, Il dolfin);
incens brusât che al spandeve ancjemò chel so profum cussì vîf e gradevul, che al jentrave fin ta la anime, jemplantle di misteri (Pieri Menis, Chei di Muraie)
-
s.m.
[TS]
religj.
tal pl., inte culture greghe, celebrazion di rituâi segrets cristiane, veretât che e passe lis capacitâts di cognossince e di comprension dal om:
i misteris eleusins si celebravin tal santuari di Demetre
-
s.m.
[TS]
religj.
inte teologjie cristiane, veretât che e passe lis capacitâts di cognossince e di comprension dal om:
te glesie a son i comandaments principâi e a son altris che a son mancul principâi. A son i precets fondamentâi de glesie, a son i misteris principâi de fede, a son i sacraments, a son altris robis che la glesie e po cjapâ tun determinât moment (Francesc Placerean, La Glesie e à di lassâ i popui come che a son e fâur di levan seont la lôr paste)
-
s.m.
[TS]
let.
inte tradizion leterarie de Ete di Mieç, drame sacri in lenghe volgâr, prontât pes grandis fiestis religjosis
Proverbis:
- i misteris di Diu, i segrets dai sovrans e la malizie dai vilans nissun nol è rivât ancjemò a rivelâ
- il misteri de Santissime Trinitât al è plui grant dal puint maiôr
- ogni cûr il so misteri, ogni cjase il so costum