milion
/-òn/
mi|li|on
[FO]
-
s.m.
numar che al corispuint a mil miârs:
il catalan al à sui 9 milions di feveladôrs (Xavier Lamuela, Une riflession su lis politichis linguistichis);
ogni an, un 3 milions di toneladis di anidride carboniche a vegnin assorbîts dai boscs de nestre regjon (Dario Bianchini Giaiotti, Fulvio Stel, Energjiis rinovabilis in Friûl-Vignesie Julie: ce che al è disponibil e a cualis cundizions)
-
s.m.
milion di unitâts di une cierte valude:
la spese medie tai prins agns [pe tutele de lenghe furlane] e je di plui o mancul 2 milions di Euros ad an: in Gales a spindin 20 milions ad an (Sandri Carrozzo, L'Antifurlan);
ma a tornavin inmò a comandâ, tant che prin, dal alt dai lôr milions (Roberto Ongaro, Il muc);
sbregots che a pene che a àn finît di studiâ a pretindin di cjapâ milions (Pieri Somede dai Marcs, Un pugn di moscjis)
Sin. cheche
-
s.m.
(iperb.)
cuantitât une vore grande:
par un come lui, al diseve, che al veve tignûts sù un milion di rosaris, no coventin coronis! (Meni Ucel, Messe a straoris);
milions di avostans dulintor, e tantis, tantis stelis tun cîl cence lune, cence lacje di nûl (Meni Ucel, Gnot di Avost)
Sin. cent mil
, miâr
, mil
, miliart
, milante
Proverbis:
- robe une gjaline ti mandin a la ghiliotine, robe un milion no tu vâs nancje in preson