meti in bocje
[CO]
-
loc.v.
tal sens leterâl, meti alc dentri te bocje, soredut par mangjâ, supâ e v.i.:
jê ju fasè sentâ su la bancje di cjase e ur puartà un scugjelot di polente e lat parom. "In nom di Dio ancje vuê!" al disè sant Pieri metint in bocje la prime sedon incolme (Luigi Gortani, Sant Pieri e la code da vacje);
al metè in bocje il spagnolet che al veve daûr de orele e lu impià (Marc Stolf, Al è simpri cualchidun che al è "plui mancul" di te);
o tiri fûr lis sôs pirulis dal flacon, e jes met in bocje. Dopo o jempli di gnûf la taçute e lui le suie (Igor Londero, Delit in vie del Lavoro)
-
loc.v.
(fig.)
dî o scrivi che cdn. al à dite alc, soredut in maniere imprecise, sfuarçade o false:
il Vanzeli che us ai let […] al è stât tirât fûr di chei discors che sant Zuan al met in bocje a Crist dopo de ultime cene (Francesc Placerean, La predicje di une domenie cualunche)
-
loc.v.
(fig.)
fâ che cdn. al feveli intune cierte maniere:
e jere dome la voie di no contindi che i meteve in bocje peraulis cussì pôc sintudis (Maria Forte, Cjase di Dalban)
Components:
