Dizionari de Lenghe Furlane

menâ lis mans    [CO]

1. loc.v. movi lis mans, soredut par fâ segnâl o par compagnâ ce che si dîs:  "Che al vegni, che al vegni…" e diseve, menant lis mans (Gianni Gregoricchio, Delchi)
2. loc.v. lavorâ a fuart:  Carlin al fasè il «panegjiric» dal Friûl, une contrade maraveose, cun int biele e sane, brave di menâ lis mans… (Pieri Menis, Chei di Muraie)
   Sin. menâ i comedons , movi il poleâr , dâi di schene , menâ i braçs
3. loc.v. lotâ, combati, barufâ, intervignî cu la fuarce:  "[…] mi plâs di menâ lis mans, a mi. Ca no si vanze grât. Almancul in Basse Italie, cui brigants… Il «prestigjo» dal Stât al è dut te nestre fedeltât, umilmentri fevelant…" e si tocjave il rivolvar su la panze (Dino Virgili, La aghe da pît la cleve)

Components:

• man s.f.
• menâ v.tr., v.intr.