menâ la code
[BF]
-
loc.v.
massime dal cjan, movi la code par fâ viodi contentece o ecitazion:
un cjanut che ti ven incuintri menant la code (Alan Brusini, Gian Paolo Linda, I forescj);
[il cjan Digo] a pene che al ti viôt al ti salude, / e come che nol puarte mai cjapiel, / al use a saludâ menant la code… / Ne sai dulà che al vei imparât ste mode (Pieri Çorut, Il mio cjan)
Sin. movi la code
-
loc.v.
dal diaul, fâ sucedi alc di mâl:
cui sa ce demoni che al menave la code dongje done Pine in chê sere (Pieri Menis, Chei di Muraie);
e pûr ancje là dentri il diaul al menave la code ! … Fra Malie, la prime des sûrs, e Nenute, la ultime, nol jere stât mai nuie, ma fra di lôr al jere alc di frêt e di malstâ (Pieri Menis, Marum)
Components: