marcje2
mar|cje
[AF, TS]
-
s.f.
[TS]
milit.
trasferiment di trupis militârs di une zone a chê altre sedi tant che esercitazion tradizionâl sedi intal contest di operazions di vuere:
no ai stentât a cjapâ sium dopo cinc o sîs oris di marcje par rivâ là sù (Pieri Menis, La vuere sul Freikofel);
plui cursîf e plui in eguâl moviment che ven mantignût la marcja, e manco al si straca il soldât (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
s.f.
[TS]
sport
specialitât de atletiche lizere che e previôt garis su plui distancis, di disputâ mantignint simpri une plante dai pîts a contat cul teren
-
s.f.
cjaminade, soredut di une cierte lungjece, a pas svelt:
altri rinculament a Sant Salvadôr. Altre marcje cuntune piçule conversion a gjestre e "sempre driti" si rive là di un altri canâl plen di barcjis (Arturo Feruglio, Viaç a Vignesie)
Sin. marcjade
-
s.f.
manifestazion di plui personis che a cjaminin insiemi par riclamâ la atenzion de opinion publiche su problemis politics, sociâi, civîi, e v.i.:
la societât catalane e à fat partî daurman la sô reazion cun marcjis moltitudinariis e no violentis in dutis lis citâts (Marc Stolf, Catalogne, a rivin lis condanis pal prin di Otubar dal 2017 e si discjadene il Tsunami Democratic);
lu vevin strissinât vie pes placis e pes stradis di dut il Friûl a fâ lis marcjis pe pâs (Alviero Negro, Serafin)
-
s.f.
[TS]
mus.
composizion musicâl strumentâl di andament regolâr e ritmi marcât, eseguide in origjin di bandis o fanfaris par compagnâ e ritmâ il pas di personis che a cjaminin, massime soldâts, fedêi, e v.i.:
sunâ la marcje trionfâl (Josef Marchet, Trombis e tambûrs);
i musicants tacavin sunâ la maiolsissa, la antiga marcja dai nuvìs gurissans (Ranieri Mario Cossâr, Gnossis gurissanis)
-
gjenar musicâl schematizât a partî de seconde metât dal Sîscent, adat massime par cerimoniis solenis
-
s.f.
[TS]
autom., mec.
in autoveicui, motos e bicicletis, rapuart di trasmission:
"Sino?" dissal Shell e al inestà la marcje (Dino Virgili, La strade come un destin);
il stierç… al jere rot… un fanalin al jere crevât… lis marcjis a… che la frizion e grate (Laurin Zuan Nardin, Tuuut… Tuuut…)
Cfr. cambi
Polirematichis e espressions idiomatichis