cambi
cam|bi
[AF]
-
s.m.
il cambiâ, il cambiâsi e il lôr risultât:
il cambi te direzion di un infuarciment dal rapuart tra integrazion continentâl e tutele des minorancis al ven dât di chel istès Parlament european che al fâs bon cun grande maiorance […] il Progjet di Tratât che al istituìs la Union europeane, promovût di Altiero Spinelli (Marc Stolf, Minorancis linguistichis);
cambis di regjistri che a puedin vê efiets grotescs o divertents (Sandri Carrozzo, Note dal curadôr ae traduzion dal Infier di Dante)
Sin. cambiament
, mudament
Var. gambi
, gjambi
, gjambit
-
il sostituî o il sostituîsi di alc o di cdn. cun alc altri o cun cdn. altri:
tal Fevrâr dal 1975, al ven il cambi de vuide dal comun cul avocat Angelo Candolini (Bepi Agostinis, Storie e cronistorie dal teatri in Friûl);
il timp al passe e i doi alenadôrs a fasin ducj i cambis che ur coventin (Marc Stolf, Benevento - Udinese 2-4)
Sin. mude
-
s.m.
robe, spec. fevelant di vistîts o scarpis, che e covente:
cence la garanzie di un jet par podê polsâ, cence cambi di vistîts, sporcs, plens di pedoi (Angelo Floramo, Stupit di vuere)
Cfr. mude
-
s.m.
persone o grup di personis che si dan la volte intune ativitât:
la sentinele e fâs dôs oris di vuardie e po al rive il cambi
Sin. mude
-
s.m.
[TS]
econ., fin.
valôr di une monede in funzion di une altre monede:
par vie dal cambi favorevul e dai salaris alts, i operaris furlans [in France] a acetavin di lavorâ a cotim (Matteo Ermacora, La emigrazion furlane in France 1820-1970)
-
complès des operazions di compre e di vendite di valude foreste
-
agjenzie che e fâs il servizi cambiâ valudis
-
s.m.
[TS]
autom., tecn.
dispositîf par cambiâ la marcje di un veicul:
tu cjapis a pugns il volant tu disledrosaressis la mantie dal cambi tu i tiris une manade al veri e dut chest parcè? (Massimo Govetto, Sbigule)
-
jeve dal cambi
-
s.m.
[TS]
bot.
tes Gjimnospermis e Dicotiledonis la part di tiessût che e fâs la cressite secondarie di fust e di lidrîs
Sin. strât cambiâl
Polirematichis e espressions idiomatichis