Dizionari de Lenghe Furlane

marcjât neri    [CO, TS]

1. loc.s.m. econ. scambi ilegâl di marcjanziis, soredut in timps di vuere o di crisi, cuant che ciertis robis a son razionadis o une vore dificilis di cjatâ:  ce colpe aio jo se ducj àn lis scarpis rotis, se i todescs àn puartât vie dut il corean e chei dal marcjât neri lu àn dut scuindût? e no si cjate un sblec di corean di chel bon (Pieri Somede dai Marcs, Une scarpute); tancj di lôr a vevin fats i bêçs cul marcjât neri, tancj altris ridots in miserie (Roberto Ongaro, Il muc)
   Sin. borse nere
2. loc.s.m. (estens.) scambi ilegâl o imorâl in gjenerâl:  gnûfs uficis di implantâ, altri personâl di impleâ, altris vagons di cjarte di sporcjâ e, ce che al è piês, altri marcjât neri di concessions, di licencis, di agjevolazions, di plasês a cui che al smole bustis plui sglonfis o che al promet di ricambiâ plui ben (Josef Marchet, Cucagne in viste)

Components:

• marcjât¹ s.m.
• neri adi., s.m.