maraveâ
ma|ra|ve|â
[CO]
-
v.tr.
causâ une sensazion di sorprese, une emozion stupide devant di alc che no si spietavisi:
i furlans austriacs a jerin il nemì, ma chest nol varès di maraveâ nissun viodût ce che si pensave dai furlans bielzà talians (Carli Pup, La seconde Irlande);
Un dât che al maravee cetant al è chel che al pant cemût che si feveli par furlan plui fûr di cjase, tai rapuarts comunitaris (amîs, coleghis di lavôr, e v.i.), che no tal ambit de famee, li che al pararès jessi il sît plui "naturâl" (Linda Picco, Ricercje su la condizion sociolenghistiche dal furlan)
Sin. dâ di maravee
, smaraveâ
, stupî
Var. meraveâ
-
causâ une emozion positive, par vie di alc che al è straordenari o che al è miôr di ce che si spietavisi:
il comparî de mascare al maraveà e al incjantà ducj chei che a jerin li, parcè che al jere impussibil spietâsi une creature plui interessante, sedi pe bielece sedi pe elegance (Pierluigi Visintin, Friûl e furlans te Histoire de ma vie di Giacomo Casanova)