manarie
/-nà-/
ma|na|ri|e
[AF]
-
s.f.
imprest formât di un mani di len avonde lunc cun impirade une lame pesante de bande contrarie a chê dulà che si cjape, doprât soredut par taiâ lens o ancje di arme:
i menaus a batevin colps […]. Une lungje prupission di colps, e la manarie simpri plui indentri te feride, a coni, blancje e precise (Maria Forte, La tiere di Lansing);
ducj i Vanuts si cjatarin jù pal troi dal ronc cun manariis e forcjis e falcets in man (Dino Virgili, Devant di dut il cîl)
Var. manare
Cfr. asse2
, lade
, massanc
, sapuce
-
ancje in riferiment dome ae lame pesante di chel imprest:
Eliseo al le dongje il barcon par cjalâ miôr il tai de manarie; al provà il fîl cul dêt e al tornà a la muele (Carlo Sgorlon, Prime di sere)
-
s.f.
(fig.)
cualsisei robe, element o azion che e compuarte un tai violent:
i pareve che une gruesse manarie e ves çoncjât a sec une grande stiele dal arbul de sô vite (Franca Mainardis, Il sium di Lissandri);
la manarie colade ai 10 di Fevrâr dal 1947 cul Tratât di Parîs suntune citât cuadrilengâl i à pardabon taiât lis alis (Alessio Potocco, Gurize-Nova Gorica: un avignî adun?)
-
s.f.
(fig.)
in diviersis espressions che a segnin che alc o cdn. al è grês, pôc fin, nuie elegant e v.i.:
la muse e pareve scuadrade cu la manarie (Pieri Somede dai Marcs, Pre Josef);
no je robe di cesel e di bulin, ma di manarie (Antoni Beline, La eterne lote dai furlans)
Sin. fuarpie
Polirematichis e espressions idiomatichis
Proverbis:
- Sant Matie cu la manariute se al cjate glace le fruce dute