Dizionari de Lenghe Furlane

fuarpie  /-à-/  fuar|pi|e  [AF]

1. s.f. massime tal pl., imprest par taiâ formât di dôs lamis incrosadis cuntun pivot tal mieç:  cuntun pâr di fuarpeatis i àn taiât ducj i cjavei (Pieri Somede dai Marcs, L'avocat e la luianie); i cjâfs des vîts, par ordin che ju çoncjavi cu lis fuarpiis, mi vaìvin in man (Josef Marchet, Lis predicjis dal muini)
   Var. fuarpe , fuarfe , fuarfie
2. s.f. (fig.) il taiâ, il limitâ, il ridusi:  la Regjon e à staronzât dal 45 par cent i contribûts pe lenghe e pe culture furlane. E sot di chês fuarpiis a son stâts staronzâts ancje i media furlans in lenghe furlane (Redazion Glesie Furlane, Events significatîfs te Glesie in Friûl)
3. s.f. (fig.) struture o situazion li che valôrs o elements si slargjin o si slontanin:  une realtât che e cîr simpri gnûfs colaboradôrs, par slargjâ lis fuarpiis dai temis, dai argoments, des discussions (Alessio Screm, Cuatri lenghis par une stesse idee: «Friaûlij» Une associazion zovine plene di iniziativis); Tai agns ‘90 la fuarpie dal valôr dal lat tra produtôr e consumadôr e jere dal dopli (Stefania Garlatti Costa, I cjamps di blave? Un desert ecologjic)

Polirematichis e espressions idiomatichis

• dâ spali e fuarpiis e tele loc.v.
• vê tele e fuarpiis in man loc.v.

Proverbis:

• la lenghe des feminis e je come lis fuarpiis: o che a taie o che e sbuse