mût e maniere
[CO]
-
loc.s.m.
(pleon.)
cui stes significâts e ûs di "mût" e di "maniere" doprâts ognidun par so cont:
"Di ce crodeiso che a tratin, cumò, il plevan e il lofio, ah? … Di cjatâ mût e maniere di sdrumâus jù lis cjasis cun cuatri centesins di spesis e cuntune prese di rassegnazion par cidinâus…" (Alviero Negro, La cjase);
la Glesie a promet di stâ cidine e il guvier i da alc di meti sot i dincj in mût e maniere che, mangjant, no rivi a fevelâ (Antoni Beline, Il Concordât);
risultâts no dome di bêçs ma ancje di grant credit come che o vin ben vût mût e maniere di rindisi cont (Alberto Picotti, Gjildo Podestât)
-
loc.s.m.
cun valôr di contraposizion jenfri doi o plui mûts di fâ, di fevelâ, di sucedi e v.i., soredut par rimarcâ alc di negatîf:
"Ma se a tribulin [i puars sotans] a voaltris no us impuarte… vere?" "Si tribule ducj in chest mont…" "Oh, sì! Ma al è mût e maniere…" (Alviero Negro, Int di masnade)
Components: