Dizionari de Lenghe Furlane

lime sordine    [CO, TS]

1. loc.s.f. artes., tecn. lime che e je fate in maniere di vibrâ pôc e di fâ pôc sunsûr, soredut par lima fier:  aciartâsi che [i presonîrs] no vevin da se instruments periculôs, cioè: curtìs, stilets, scarpei, clauts, limis sordinis (Antoni Brumat, Strachedincj)
2. loc.s.f. (fig.) cui o ce che in cidin ma cun costance al rive a otignî un efiet, soredut in sens negatîf:  paris, nuviçs, / lafè sês frits; / son stis sposinis / limis sordinis, / e il matrimoni / ur svee lis voiis. / Si faiso intindi / di vê ce spindi? / Fûr chei zechins... (Pieri Çorut, La maridarole)
   Sin. lime vuarbe , bore cuvierte

Components:

• lime s.f.
• sordin adi.

Proverbis:

• aghe cidine e ruvine i puints, lime sordine e ruvine lis cjasis