lescje
/lè-/
les|cje
[CO]
-
s.f.
materiâl che si impie cun facilitât, ancje cun pocjis faliscjis, e che al covente par inviulâ il fûc:
al tire fûr la lescje, l'açalin e dal dit e fat al fâs lusôr (Dolfo Zorzut, El cjaliâr sence paùre);
mi ricuardi la strussie / che si faseve, za no son tancj agns, / cu la piere, la lescje e l'açalin: / robis di fâ i agagns, / par impiâ un lumin! (Emilio Nardini, Lis predicjis dal plevan di Sant Jacum)
Var. escje
-
(ancje fig.)
in paragons o metaforis par dî di cdn. che si rabie a colp:
la Contesse sô muîr / je piês de lescje, piês del solfarin / e par ogni tantin / e pie fûc... (Pieri Çorut, Il Strolic furlan par l'an 1834)
Cfr. prospar
, solfarin
, fulminant
-
s.f.
[TS]
pescj.
robe di mangjâ, che e pues jessi une bestie, un toc di bestie, une preparazion o ancje robe artificiâl, che si impire tal am o si met dongje dal am o che e je furnide di am, di mût che cuant che il pes le muart o le glot al reste cjapât:
dopo spiât / se je turbide avonde pa la pescje / la Pontebane, al va cirint pal prât / zupets e viars par combinâ la lescje (Enrico Fruch, Dal gno balcon…)
-
s.f.
(fig.)
element che al riclame la atenzion, che al fâs svicinâ, che al permet di cjapâ, imbroiâ e v.i.:
credin che un sotanin, / cuatri flocs ben mitûts, cuincîrs, e zoiis / sein dute la lescje dai morôs (Antoni Dragon, Ma vô volês cu cheste)
Sin. riclam
-
s.f.
[TS]
venat., etol.
robe di mangjâ che si lasse par fâ svicinâ il salvadi, in cualchi câs ancje cun dentri velen o dormie:
cognossi miôr i struments par cjapâ lis bestiis (foto e videotrapulis, lescjis) (Serena Fogolini, L'unic che si à di crodii cuant che al conte chê dal ors)
-
s.f.
[TS]
bot.com.
non avonde gjeneric di jerbis, che i fros si doprin par fâ cuvierts o par altris robis, lat. sient. Festuca gigantea o Lolium giganteum, o ben Molinia caerulea o ben Luzula nivea:
a zeve encje a fâ lescje intal lescjâr da las Pales e tai Stifinins par vendi i macuts ai tetaduers (Gianni Colledani, Une femine di snait);
il scjernum al è fat cun paie, patùs, stranc, fueis, foiêt, frint, lescje, sorgjâl, ce che al covente par un jet sut (Enos Costantin, Come çus su la palade)
Sin. lescjat
Cfr. lescule
-
s.f.
[TS]
bot.com.
plante de famee des Asteraciis, lat. sient. Petasites hybridus, racuelte e doprade pes sôs proprietâts medisinâls:
las fuees vignivin cjoltes sù, cence el mani, tai mês di Lui e Avost; fates secjâ e vendudes a Pinçan (vadì al spessiâr). [...] La plante la clamavin lescje; el lavôr di racuei las fuees al vignive fat de mê famee (Sergio De Cecco, Stories dal Tiliment: el lescjat o lescje)
Sin. lescjat
-
s.f.
[TS]
agr.
fen che si taie cu la sesule:
te varietât cjargnele di Paluce "fen", "altivûl", "smuiart" e "lescje" a son i lessemis primaris che a tradusin il talian "fieno" (Laura Lazzara, Une scomesse pal avignî - Il mont al cambie e la lenghe parie)
Polirematichis e espressions idiomatichis