Dizionari de Lenghe Furlane

lâ in sene    [CO, TS]

1. loc.v. teatr. di spetacul, jessi rapresentât:  li dal auditorium Zanon, aes 20.45, al larà in sene, cun jentrade libare, il spetacul "Il Friuli", di Pier Paolo Pasolini (Redazion Lenghe.net, "Studiâ pal Friûl", taule taronde in Universitât)
2. loc.v. teatr. di atôr, fâ une rapresentazion devant dal public:  a son lâts in sene cun sigurece, Nevio Ferraro al à impersonât la figure dal senatôr egoist cun stîl e misure, Maria Ellero ben te part no facile de fie, Antonietta Parussini une esemplâr vedue Aliani (Bepi Agostinis, Storie e cronistorie dal teatri in Friûl)
3. loc.v. (fig.) fâsi viodi, soredut cun ostentazion:  je lade in sene / la lune plene (Pieri Çorut, Il Strolic furlan par l'an 1842)

Components:

• lâ v.intr., s.m.sing.
• sene¹ s.f.