Dizionari de Lenghe Furlane

lâ in mont    [CO]

1. loc.v. lâ in feriis in paîs o zonis di montagne:  i fruts di scuele a bramavin lis vacancis par lâ in mont (Jolanda Mazzon, Fûr di timp)
   
   1. fâ escursions in montagne:  za a cutuardis agns, cuant che al scuvierzeve il gust di lâ in mont, al leve sù sul Mangart cence nissune fadie (Cristina Noacco, Faliscjis)
2. loc.v. [CO, TS] agr. di pastôrs e bestiis, lâ tes caseris e tai prâts di Istât:  "O ai une biele aziende di bestiis […]. Dal mês di Lui al mês di Otubar a van in mont e di Invier lis lassi culì, indulà che o vîf" (Marta Vezzi, Ravasclêt. Aziende agricule di Edda De Crignis)
3. loc.v. [CO, TS] stor. in riferiment ai fats storics de seconde vuere mondiâl, lâ a fâ il partigjan in zonis di montagne:  Marchi si sintive masse vieli par lâ in mont a scombati ma nol fasè mancjâ jutori ai plui zovins combatent (Max Mauro, Felix Marchi e il sium dal furlan-furlan)

Components:

• lâ v.intr., s.m.sing.
• mont¹ s.f., s.m.