interogatîf
in|te|ro|ga|tîf
[CO]
-
adi.
de domande, che al à forme di domande, che al à la funzion di pandi une domande, che al comuniche une domande e v.i.:
al ven fûr un mignestron dal odôr e dal aspiet indefinibil che pôcs, sot lis vogladis interogativis dai presints, e àn cûr di frontâ (Lucian Verone, Nadâl in Cine)
-
adi.
[CO, TS]
ling.
de domande, che al à forme di domande, che al à la funzion di formulâ une domande tant che struture linguistiche:
come che si sa, la plui part des varietâts de lenghe furlane a fasin une distinzion morfosintatiche tra lis formis declarativis e chês interogativis (Paolo Roseano, Ana María Fernández Planas, La intonazion des frasis declarativis e des domandis polârs par furlan)
-
s.m.
cuistion che e je in dubi, che e met denant de necessitât di cirî une rispueste:
o crôt che daûr di chest interogatîf si strissini il probleme dal rapuart uman fra om e femine (Gianni Gregoricchio, Trê feminis);
o cirarai di dâ une rispueste, par tant che tu rivis a capîle, a ducj i tiei interogatîfs (Fabian Ros, Il lôf)
Sin. domande
, cuistion