Dizionari de Lenghe Furlane

insigurece  /-rè-/  in|si|gu|re|ce  [CO]

1. s.f. cundizion di ce che nol è fis, fer, che al à un ecuilibri o une posizion che a puedin cambiâ cun facilitât, soredut colant
   Sin. malsigurece , inciertece , instabilitât , malciertece , precarietât
   Var. insicurece
   
   1. cundizion di ce che al pues cambiâ cun facilitât
   2. cundizion di ce che no si sa se al sarà o no, se al larà ben o se al larà mâl e v.i.:  il mont agricul si cjate tune situazion di insigurece e di precarietât che nus oblein a rifleti (Redazion La Patrie dal Friûl, Un avignî vert e sustignibil)
2. s.f. cundizion di ce che no si sa se al è sclet, vêr, autentic, che no si sa ben se al corispuint ae realtât
   Sin. malsigurece , inciertece , malciertece
   
   1. mancjance di cognossince cierte:  no si pues fevelâ de linguistiche tant che di une sience esate, ma tant che di une dissipline, li che l'impuartant al è declarâ i criteris che si doprin e cirî di jessi coerents, permetint al letôr o al utent di orientâsi, ma savint che si movisi intun cjamp li che a son margjins di insigurece (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)
3. s.f. cundizion o carateristiche di cui che nol sa ce fâ, che i mancje sigurece, fermece tal decidi o tal fidâsi di chei altris o di se stes:  al veve tacât a vergognâsi pe sô insigurece che lu cjapave di ogni bande (Mario De Apollonia, Il timp par ledrôs); no savìn di ce bande lâ e nus è jentrade la insigurece tai gnerfs e te anime (Antoni Beline, Sant Jacum, là che al finìs il mont)
   Sin. inciertece , indecision , malsigurece , malciertece , esitazion
4. s.f. fat, episodi, detai che al mostre une mancjance di domini complet o di coerence, di precision e v.i.:  a son stâts moments di debilece (pôcs) e cualchi insigurece tal movisi in sene (Bepi Agostinis, Storie e cronistorie dal teatri in Friûl)
   Sin. inciertece , indecision , malsigurece , malciertece , esitazion