inneât in|ne|ât [AF]
- p.pass., adi., s.m. viôt inneâ , viôt inneâsi : il flum turbit e discjadenât al savoltave arbui e bestiis inneadis sù par là (Dino Virgili, La aghe da pît la cleve); "Se o fos in te o scomençaressi a indagâ sui doi muarts, soredut sul inneât" (Sandri Di Suald, Ah! la provincie)
- adi. (fig.) dut bagnât: ducj tâs e ducj cjale il puar Zenco [che al veve cjapade la ploie] impins su la puarte, inneât (Meni Ucel, La ombrene)
- adi. (fig.) dut dentri di une situazion o cundizion: scrosops di cjasis inneadis te miserie (Roberto Ongaro, Cretevierte); ducj a polsavin là jù, tal piçul cimitieri inneât tal vert de campagne dal so paîs (Franca Mainardis, Aiar di cjase)