inneâsi
in|ne|â|si
[AF]
-
v.pron.intr.
murî o copâsi par vie che no si rive a respirâ sot da la aghe o tun altri licuit:
al navigave sul mâr cuant che une grant burascje lu à metût in pericul di inneâsi (Arturo Feruglio, Viaç a Vignesie);
si jere inneât Gurin par sei sbrissât su la glace e finît te Vuese (Alan Brusini, Par stradis lungjis)
Sin. neâsi
Cfr. scjafoiâsi
-
v.pron.intr.
(fig.)
finî te aghe o tun altri licuit:
un aiar sirocôs al stacave dai lens lis ultimis fueis zalis che a balavin un lamp par aiar e po a colavin jù tal pantan o a lavin a inneâsi intune poce di aghe sporcje (Pieri Menis, Sul agâr)
Sin. neâsi
-
v.pron.intr.
(fig.)
jentrâ o pierdisi ad in plen intune situazion, intune cundizion, materiâl o imateriâl:
ti veve cjalât cun doi voi che si podeve inneâsi dentri (Raffaele Serafini, Contis sot spirt);
al veve miôr lâ dilunc […] intun mont là che decence e dignitât no vessin vût nissun pês; çoncjâ i leams dal rispiet di se, inneâsi biel avuâl intune sorte di ream di ombris (Amedeo Giacomini, Tal ospedâl)
Sin. neâsi
, pierdisi
, disfâsi
Polirematichis e espressions idiomatichis
Proverbis:
- bisugne inneâsi tal mâr grant, no je nancje braùre a inneâsi intune tace di aghe
- cui che no si jude si innee
- i rîs a nassin ta la aghe, e àn di inneâsi tal vin
- la cussience si è inneade te Tor
- se si à di inneâsi, inneâsi ta la aghe grande
- se si à di inneâsi, lâ simpri ta la aghe grande; no je nancje braùre a inneâsi intune tace di aghe
- se si à di inneâsi, miôr tal mâr che no tal cjaldîr