ingrumât
in|gru|mât
[AF]
-
adi.
viôt ingrumâ
, viôt ingrumâsi
-
adi.
che al è dongje cun altris elements intun grum, intune grande cuantitât:
là jù insom, tal cjanton di çampe, al viôt robe ingrumade e picjade sul mûr. Robe plene di polvar (Alan Brusini, Par stradis lungjis);
al rivà adore di tirâ fûr dal magazen ducj i strafaniçs ingrumâts in tancj agns di ativitât e di vendiju benon (Pieri Menis, Il «comandatôr»)
-
di plui personis, che a stan dongje tra di lôr, soredut in tancj:
si sint lontan un businament di int ingrumade, po il sberghelâ di cualchi vôs (Pieri Somede dai Marcs, Un pugn di moscjis)
-
di cdn., che al sta sentât o poiât cui braçs e cu lis gjambis dongje dal cuarp o che al è intun puest stant ben strent, in maniere di cjapâ mancul puest che si pues:
alore, ingrumât sot da la plete, o pensavi a la mê cjase, a mê mari, o mastiavi il bleon par no fâmi sintî e cidin o vaìvi (Pieri Somede dai Marcs, O mi ricuardi);
Santin al stave dongje di jê, ingrumât sul so scagnut (Gianni Gregoricchio, Îr e doman)
-
adi.
che al reste di fâ, di frontâ, di sodisfâ e v.i.:
par paiâ i debits ingrumâts, lis ratis indaûr de prediâl e par comprâ une altre vacje, a vevin scugnût vendi un pâr di cjamps (Gianni Gregoricchio, Trê feminis)
-
adi.
dât dongje in tocs fis, dûrs:
sanc ingrumât (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. imbrucjît