impiâsi
im|pi|â|si
[AF]
-
v.pron.intr.
scomençâ a brusâ:
il vieli al batè l'açalin e la lescje si impià (Dino Virgili, La aghe da pît la cleve);
la brama di eternitât a si ingruma ta lis nots di vegla ai muarts, cuant che a si impiin i foucs grancj tai fogalârs (Novella Cantarutti, Cença sunsûr)
Sin. piâsi
, inflamâsi
-
scomençâ a slusî:
il cîl al jere dibot scûr, lis lûs de citât alte a tacavin a impiâsi (Agnul di Spere, Usgnot partide di balon)
-
v.pron.intr.
massime di alc che al à mecanisims, un motôr o che al prodûs lûs, metisi in vore:
di bot la see si impie e e tache a zirâ simpri plui svelte (Raffaele Serafini, B123ST);
si tornin a impiâ ducj i lampions de strade (Francesca Gregoricchio, La dentiere pierdude)
Sin. piâsi
Cfr. inviâsi
, lâ
-
v.pron.intr.
(fig.)
di cualsisei robe che si puedi paragonâ cul fûc, cu la lûs o cuntun mecanisim, tacâ a fâsi sintî, metisi in vore:
a viodisi crots lis voiis a si impiin e, par distudâlis, si sa ce che i vûl… (Alviero Negro, Int di masnade);
il so istint al torne a impiâsi di bo (Jacum Trevisan, Lamis)
Sin. piâsi
-
v.pron.intr.
(fig.)
cjapâ fuarce, viamence o ancje entusiasim, gnervôs, rabie o cualsisei robe che si puedi paragonâ cul fûc:
a chestis primis bagaiadis, a tignirin daûrji sivîi, berladis, batimans e cualchi porconon. La int e leve impiantsi come lis cjandelis tes cuarante oris (Tarcisio Venuti, La cjase di Toni);
al fo un cjadaldiaul. Betilde si sfuarçà a pensâ peraulis maris par impiâsi di rabie (Maria Forte, La cotule di none Betilde)
Sin. piâsi
, inflamâsi
-
v.pron.intr.
(fig.)
deventâ ros, cjapâ colôr di fûc:
là jù, la lagune si impiave di sanc ta chel lamp di amont di Dicembar (Dino Virgili, La aghe da pît la cleve)
Sin. piâsi
, inflamâsi
-
v.pron.tr.
impiâ alc di se stes, par se stes e v.i.:
Lulù si impiave un spagnolet in bocje (Fabian Ros, Eivissa mon amour)
Proverbis:
- cui che al à la code di stran al à simpri pôre che si impii
- la stope dongje dal fûc si impie
