gucje
gu|cje
[CO, TS]
-
s.f.
tess.
sorte di gusiele lungje, doprade pal solit in cubie, metint sù une cjadene di ponts di fîl suntune e passantle in chê altre zontant a ogni passade une rie di ponts, par fâ maiis, siarpis, cjalçuts e v.i.:
trê feminis vielis a gucjavin [...] o sintivi daûr il tintinâ sort e cadençât des gucjis (Gianni Osualdini, Doi meracui)
Sin. fier di gucje
, fier di gucjâ
Var. gugje
-
tecniche e ativitât di fâ lavôrs di maie cun chês sortis di gusielis:
Sunte che e je dongje il barcon e lavore di gucje sentade su di une cjadreute (Pieri Somede dai Marcs, Il prossim)
-
lavôr che si è daûr a fâ o che al è stât fat cun chê tecniche:
Sentade suntun scagnut dongje il spolert, cu la gucje in man, e jere la Malie, une des dôs fiis di Gjildo (Meni Ucel, Il sunsûr)
-
s.f.
(fig.)
robe materiâl o imateriâl che e pues cjapâ, impresonâ, in câs ancje in maniere parziâl o seletive:
inta chê gucje che il polizai al cirive di involuçâi intor, al jere un pont falât (Roberto Ongaro, Cretevierte);
la justizie è fate a gucje / no si pues plui sopuartâ (Popolâr, O sù sù, se il mont si strucje)
Sin. rêt
Proverbis:
- di robis a 'nd è une gucje par ducj, par ben che e ledi