grim1
grim
[AF]
-
s.m.
vintri di femine incinte:
il miedi nol veve podût fâ nuie par chê creaturine intorteade tal grim di sô mari (Pieri Somede dai Marcs, Il segno)
Sin. panze
Var. grin
-
(fig.)
part o ancje cundizion, situazion, percezion e v.i. parade, platade, interne o intime:
peraulis pesadis, covadis tal grim cjalt de memorie e dai ricuarts (Franca Mainardis, Satûl, poesie al feminin);
tu ti sbassis a bussâ i siums sudâts e gaiarins di tô fie. Ma ben planchin, che no si dismovi e che - almancul jê - no ju pierdi tal grim de gnot (Antescûr, Milonghe)
-
s.m.
spazi jenfri i zenoi e il stomi di une persone sentade:
Loris al cjapave te zumielute il pugn di nolis di Cuesim e lis strucjave tal grim di sô mari, di sô none, di sô agne, za ducj sentâts intor dal fogolâr (Dino Virgili, La aghe da pît la cleve);
si cjalave lis mans poiadis sul grim: mans dutis ingrispadis, cu lis aìnis gropolosis, lis venis induridis, mans che a vevin tant navigât par tignî drete la famee (Pieri Somede dai Marcs, Cun pocje spese…)
-
cuantitât di robe che e pues stâ su lis gjambis cuant che si sta sintâts:
a i puartavin un grim di fasôi, na misura di blava, na vera di vin, na cjartuta di cafè (Novella Cantarutti, Paron Salvadi)
Sin. grumâl
