grumâl
gru|mâl
[AF]
-
s.m.
indument che si met devant parsore di chei altris vistîts, picjât tor dal cuel o peât tor de vite, par parâ dal sporc o ancje par protezion, in diviers mistîrs, in lavôrs di cjase o ancje tal costum tradizionâl di femine:
doi umigns a lavoravin ator di un masanecjar, cui grumâi blancs su la panze, ducj maglâts di sanc e di ardiel (Carlo Sgorlon, Prime di sere);
"Oh, pre Jaroni! …" si disè a mieze vôs la camarele cul grumâl blanc e la creste (Dino Virgili, La aghe da pît la cleve);
Ulive e montà svelte la scjale par lâ adalt, po, in cusine, si laçà intor, il grumâl di vore (Maria Forte, La tiere di Lansing);
e à un grumâl di sede che al flame. Cussì mo viodistu, orès cjolint un jo par cheste Pasche (Catarine Percude, La plui biele)
Var. grimâl
-
cuantitât di robe che e sta tun grumâl:
lis damis di Toian e Masaruelis / mi i àn petât jù un grumâl di cincimbelis (Pieri Çorut, Il Strolic furlan par l'an 1841);
Dirce e jere sentade cuiete e suturne dongje dal barcon cuntun grumâl di panolis di specolâ (Nadia Pauluzzo, Il bintar)
Sin. grumalade
-
s.m.
cjamesot doprât di fruts, scuelârs, artesans, sanitaris e v.i. par no ruvinâ i vistîts, tant che monture o tant che misure igjieniche:
al jere come tornâ ai timps de sô scuele. E recuperave lis musis des compagnis di classe, lis lôr confidencis, i vistîts che a vevin sot dal grumâl neri e il golet blanc (Carlo Sgorlon, Il dolfin);
no jerin massariis o lavanderis, a jerin int di fabriche cul grumâl blanc e che a lavin a vore ben petenadis e dutis di sestin (Roberto Ongaro, Cretevierte)
Sin. cjamesot
Polirematichis e espressions idiomatichis
Proverbis:
- e space plui la femine cuntun grumâl a puartâ fûr che no l'om cuntun cjar a puartâ dentri
- une femine cence grumâl a je tant che une vacje cence code