gramatiche
/-mà-/
gra|ma|ti|che
[AF]
-
s.f.
complès des convenzions e des normis di scriture, di pronunzie, di morfologjie e di sintassi di un idiome, e ancje il lôr studi e la capacitât di metilis in vore:
o vevi imparât la lenghe [furlane] di frut, stant sul puest. Ma o volevi imparâle ben, studiâ la gramatiche (Oscar Puntel, Toni Capuozzo: «Ognidun al bale cun sô agne»);
i fruts lis imparin a dutrine in latin just, cence falâ cu la gramatiche (Josef Marchet, Lis predicjis dal muini)
Var. gramadie
-
s.f.
libri che al tire dongje e che al descrîf lis normis di un idiome:
par pandi plui comuts la materie, o larìn daûr de gramatiche di Gérard Moignet,che al scomence di descrivi la morfologjie cul articul definît (Zorç Cadorin, Cualchi ipotesi sul furlan di prin di scrivilu);
il stes Marchet te sô gramatiche si è poiât su la lenghe comune de tradizion (Adrian Cescje, Memoriis di politiche linguistiche)
-
s.f.
(fig.)
fondis teorichis di une art, di une dissipline e v.i., in gjenar in oposizion cu la pratiche:
sperìn nome une robe: che lis gnovis docentis, te aplicazion de lôr modernissime didatiche alternative, si fermin a la gramatiche, cence pratiche (Riedo Pup, Portus Naonis docet)
Sin. abecè
, base
, fonde
-
s.f.
[BF]
(fig.)
ce che al fâs di riferiment, che al insegne une norme:
il mosaic duncje come gramatiche di chei che no son dotôrs o sorestants, che no puedin ni lei ni scrivi ma si svicinin ae Fede dai Paris in gracie di un lengaç universâl (Angelo Floramo, Il misteri dai Mosaics)
Proverbis:
- e vâl plui la pratiche che no la gramatiche