gome
/-ò-/
go|me
[AF, TS]
-
s.f.
chim.
materiâl solit ma elastic, di origjin naturâl o sintetiche:
al viodè Ricardo che al zuiave di bessôl tal curtîl, cuntune bale di gome (Carlo Sgorlon, Prime di sere)
-
bot.
licuit produsût di ciertis plantis tropicâls che al è la materie prime pe produzion di chel materiâl
-
s.f.
cjamare di aiar e batistrade di ruede di veicul:
a lui i plaseve lâ ator in biciclete, la sô antighe Vander tipo sport che al tignive come un spieli, lustrade cul peçot, i plaseve cjalâle, i cerclis metûts gnûfs, lis gomis sutilis (Alan Brusini, Par stradis lungjis);
chê di Gjisto e jere la miôr fionde dal paîs: un archet di rôl stagjonât e dûr come l'açâr, doi lastics pençs, taiâts di une gome di biciclete, luncs une cuarte di omp: e un corean di çocule simpri ben onzût di sonze (Gianni Gregoricchio, Îr e doman)
Cfr. budiel
-
ruede di veicul tal so complès
-
complès dai veicui a motôr tant che automobii, camions, corieris e v.i.:
la societât che e gjestìs il servizi di traspuart locâl su gome (Piero Cargnelutti, Pai cartei in trê lenghis, nissune rispueste de Saf)
-
s.f.
tubul di gome doprât par sborfâ, stravasâ e v.i.:
al va dret te cantine, e cu la gome al bêf tal caratel (Pieri Menis, Tra comaris);
Sentât sul jet, i voi discocolâts tal vueit, Fonso al clamave un non di femine e al dave tirons a la gome dal flebo (Amedeo Giacomini, Tal ospedâl)
Sin. cane
-
s.f.
toc di materiâl elastic e abrasîf doprât par scancelâ:
la gome, la pene, un cuader a riis, un a cuadrets (Tonin Cjapielâr, Une scuele sbalade)