golarine
/-ì-/
go|la|ri|ne
[AF, TS]
-
s.f.
vist.
striche di tiessût che si lee tor dal cuel tant che element di vistiari, pal solit di om, soredut pal vistî formâl o elegant:
la sere des fiestis al tacave la mude biele, gjilè, cjapiel e golarine e al capitave impreteribil in paîs (Josef Cjargnel, Lis aganis);
di fieste [al leve ator] come un zerbinot, a disin, dai miôrs dal paîs: sticât, in golarine, scarpis a ponte e di vernîs, come il cont di Strassolt (Alviero Negro, Gno nono)
-
s.f.
[BF, TS]
vist.
part di une cjamese, di une gjachete, di un capot e v.i. che e sta tor dal cuel:
tirantsi sù la golarina dal impermeabil, par deparâ dal vint chê sô cadopata sglonfa (Ovidio Colussi, Disfortunis)
Sin. cuel1
, dacuel
, golâr
, fassete
Cfr. bavar