golâr
go|lâr
[CO]
-
s.m.
part di vistît, spec. di capot, gjachete o cjamese, che al zire tor dal cuel:
al crevave une rose e le impirave te asule dal golâr par tignîsi plui dongje dut il dì il so nasebon (Maria Forte, Cjase di Dalban);
un capot cul golâr di peil (Novella Cantarutti, I cjans di not);
al ploveve ancje in chê dì: la prime ploie di Atom. E lui cence ombrene e cence nie, cul golâr de gjachete tirât sù su la cope (Dino Virgili, La aghe da pît la cleve)
Cfr. cuel1
, dacuel
-
cuel di cjamese blanc, setât tor dal cuel, tipic dai predis
Cfr. fassete
, dacuel
-
s.m.
ornament che si met tor dal cuel:
i decrets di promozion, la crôs di cavalîr e il golâr di comendatôr (Pieri Menis, Il tesaur di done Cheche)
-
s.m.
striche di corean o di altri materiâl che si met tor dal cuel di un animâl, par menâlu cul sguinçâl, par tacâ une medaiute cul non e v.i.:
dut ator grintis duris di mucs e il vuacâ dai cjans tignûts pal golâr, dai graduâts (Maria Forte, Cinc malintopâts);
o slungji la man bande il golâr e lu sint a rugnâ. Planc a planc i moli il golâr e o fâs un pas indaûr. Il Lôf mi cjale. Grues. Neri (Igor Londero, Delit in vie del Lavoro)
-
s.m.
[TS]
agr.
buse par butâ jù il fen dal toglât te stale che e je sot:
Lise contente a puartave la gjaline sot il golâr dal fen, curantle tant che un cristian (Amelia Artico, Lise)
Sin. trabuc
, trombe
Proverbis:
- cuant che no 'nd è sul stali, no si po butâ jù pal golâr