gjeromete
/-mè-/
gje|ro|me|te
[CO]
-
s.f.
sorte di componiment liric par bal:
ma planc: no ai finît: cordi la pive, / che da nûf vuei sunâ la gjeromete (Ermes di Colorêt, I, 251)
Var. gjerumete
-
danze balade daûr di chel componiment
-
s.f.
(ancje fig.)
moviment circolâr complicât e in câs ancje confusionari:
musiche di ca, musiche di là, fûcs, bengâi di ducj i colôrs, globos che no finivin plui di zirâmi intor tant che jere propri une vere gjeromete (Guido Antonioli, Florean dal Palaç, I, 31);
Siroc e siore Buere / vevin cjapât da dî, / ma po àn finît cussì. / Intant lamps, tons, saetis / fasint des gjerometis / vevin piât in stont / la tiere e el rest del mont (Massimiliano Perco, La ploie)
Cfr. circul
, zîr
-
s.f.
(ancje spres.)
azion complicade, ancje pôc coerente:
jo o ai simpri proclamât che no bisugne frontâ lis feminis a crût. I vuelin lis gjerometis diplomatichis (Arturo Feruglio, Viaç a Vignesie)
-
azion o robe complicade, teatrâl, ma no preseade:
Guri, cumò, al pensave che… sì, sì… [pes gnocis] dutis chês gjerometis dal bachet, dal façolet, dal fûs e de rocje a jerin juste cjossis di plui, antigaiis di viei (Dino Virgili, La aghe da pît la cleve);
o fâs tantis gjerometis [di erbolat], par fâ movi la int, par che e cjapi interès a ce che o i dîs e a sintî sigurece in ce che o i doi [di medisine] (Maria Forte, Il Bide di Miot)
Sin. comedie
-
s.f.
azion triste, imorâl, violente:
un distermini di barbars, che il diamber al veve scorsonât culenti a fa chês bielis gjerometis che al veve fatis, cualchi ete indaûr, Atile flagellum Dei (Giuseppe Dondo, Le curiositât sacomade)
