gjenerâl
gje|ne|râl
[FO]
-
adi.
che al pues jessi aplicât a di dut un ordin di fats, cjossis o personis:
lis categoriis sociâls e economichis gjenerâls […] a puedin sei osservadis chenti, in Friûl, di dongje (Adrian Cescje, Liniis di storie sociâl e economiche dal Friûl 1500 - 1800);
mi meteve simpri tai vues la sensazion che la leç plui gjenerâl de storie e fos la provisorietât, la ruvine e la fin (Carlo Sgorlon, Il dolfin)
Sin. comun
, ecumenic
, globâl
, universâl
-
adi.
che al è fat, causât, condividût, sostignût o comun de plui part de int, ancje di dute o scuasi dute la int:
o pensìn che la acetazion gjenerâl di une ortografie unitarie furlane e sei plui impuartante che no lis sôs cualitâts internis (Xavier Lamuela, La grafie furlane normalizade);
lôr doi a discorevin ridint inte confusion gjenerâl (Gianfranco Pellegrini, Fieste grande di fin Istât);
tal ribalton gjenerâl lis vendetis e la violence si jerin scjadenadis (Pieri Menis, Sul agâr)
Sin. coletîf
, comun
, universâl
-
adi.
che al viôt di dut il complès di une aministrazion, di une istituzion e sim.:
ogni liste e i candidâts a sindic a àn di depositâ li de segretarie gjenerâl dal comun, tal stes moment che a depositin la liste, une declarazion cul preventîf des sôs spesis eletorâls (Aministrazion Publiche, Regolament dal Consei Comunâl dal Comun di Udin);
al jere comandât a un viaç fintremai a Udin, al magazen gjenerâl de sussistence par une incarghe di fiducie (Gianni Gregoricchio, Trê feminis)
-
s.m.
[TS]
milit.
uficiâl dal plui alt grât te jerarchie militâr:
a la metât di Avrîl [dal 1848] il gjenerâl Nugent al veve tirât dongje sul Lusinç, a Pontebe e a Gardiscje une armade di 15-18 mil oms (Giovanni Pillinini, Zuan Batiste Cavedalis - Une vite esemplâr)
-
s.m.
[TS]
ecl.
superiôr massim di un ordin o di une congregazion religjose:
il gjenerâl dai Domenicans
-
s.m.
dome sing., la totalitât, il complès:
cjalâ dome al gjenerâl e no al specific
Sin. universâl
Polirematichis e espressions idiomatichis