globâl glo|bâl [CO]
- adi. che al à une difusion, une impuartance, une influence e v.i. che e tocje dut il mont: cu la incressite de cognossince, de ricercje, de tecnologjie e dal marcjât globâl, al è gambiât ancje il lavôr e il rapuart dal mont dal lavôr inte societât (Claudio Sangoi, Rinovâ cence cjonçâ)
- adi. che al tocje dut un complès e no dome une part: chei che a lavorin par une soluzion globâl, radicâl, definitive dal probleme (Riedo Pup, I furlans e il disarmo); dome in alt si po vê une vision slargjade, complete, globâl de realtât (Antoni Beline, La mont: mari dal mont)
- s.m. dimension di ce che al è mondiâl, gjenerâl: il locâl al funzione di coretîf dai aspiets negatîfs dal globâl (Paolo Roseano, Alienazion o schizofrenie?)