galopâ
ga|lo|pâ
[CO]
-
v.intr.
dal cjaval o di altri ecuin, cori cuntune ande li che e je une fase che nol tocje par tiere cun nissun dai cuatri çucui:
si viôt cumò un cjaval, che galopa cumi il fûc (Ranieri Mario Cossâr, Storiutis gurissanis)
-
lâ a cjaval di une bestie che e cor cun chê ande:
[...] e scjassant / la gabane celeste [Garibaldi] al galope indenant (Ercole Carletti, Guere!);
un cavalîr che al à galopât par monts e par plans, che al à passât valadis e boscs (Pieri Menis, Chei di Muraie)
-
v.intr.
(fig.)
ancje di personis, o elements naturâi o veicui o altri, cori une vore svelt, lâ une vore svelt o ancje fâ alc o sucedi une vore svelt:
si sa che il mont al va, al galope viers la globalizazion (Antoni Beline, Strategjie eletorâl);
a Firmato il sanc al veve tacât a galopâ (Gianni Gregoricchio, Îr e doman)
Cfr. cori
, trotâ
Proverbis:
- cuant che la ambizion e galope, la vergogne e monte in grope