trotâ
tro|tâ
[AF]
-
v.intr., v.tr.
di cjaval o ancje di altris animâi, cori cu la ande dal trot, vâl a dî poiant simpri almancul un çucul par tiere:
al tacà la cjavale ruane che, ingnervoside dal sclopetâ de scorie, si metè a trotâ cu lis orelis spiçadis (Pieri Somede dai Marcs, La braide)
Sin. lâ ad in trot
-
v.intr., v.tr.
(fam., fig.)
lâ svelt, cjaminâ svelt:
"No achì tu, Martin!" al dîs sant Martin. E come se a i scotàs la tiere sot i pîts, al trote a Dartigne (Luigi Gortani, Sant Martin);
al ven jù ancje il remenadiç des pantianis che a trotin su lis panolis (Pieri Somede dai Marcs, Cjase di fitâ)
Sin. cori
, scjapinâ
-
v.intr.
fa moviments, sunsûrs, dâ colps e v.i. cuntune ande fisse:
il cûr mi à tacât a trotâ come chel dai crots (Antoni Beline, Te colme des vacancis);
sul nestri fogolâr a trotavin plui fasûi che cjar (Maria Forte, La tiere di Lansing)
-
v.intr.
(fig.)
fâ alc cuntune ande svelte, lavorâ fis:
"[…] O vevi propit sêt, sâstu. Al è di vuê a buinore che o voi trotant" (Alan Brusini, Gian Paolo Linda, I forescj);
Deline e trote dut il dì pe cjase, pal curtîl, pal sedim (Dino Virgili, La massarie)
Sin. cori
, scjapinâ
Proverbis:
- bêçs di pote ai van che ai trote; bêçs di stole ai van che ai svole