freule1
/frè-/
fre|u|le/freu|le
[AF, TS]
-
s.f.
bot.com., gastr.
pomule rosse cun semençutis su la sô superficie fate di plui plantis dal gjenar Fragaria, sedi salvadiis che coltivadis, in particolâr di Fragaria vesca:
freulis cu la pane montade (Alan Brusini, Amîs come prime);
pilucâ freulis, frambue e cjargniculis cence nancje slontanâsi dai trois (Riedo Pup, I furlans e i prâts)
Var. fraule
, fregule2
, frauli
, moziche
, flaurie
, flore5
, flâr
, maiostre
, mueite
, triscule
, vraule
Cfr. freulon
, freulone
-
plante che e fâs chês pomulis, in particolâr Fragaria vesca:
un biel cjamput di freulis (Enos Costantin, Pomulutis);
la freule e je une plante comune in prâts e cjamps coltivâts e soredut tai splaçs jenfri i boscs (Giorgio Pascoli, Il Litum: jerbis salvadiis te cusine)
-
s.f., adi.
[CO, TS]
enol.
sorte di vît di divignince americane, lat.sient. Vitis labrusca
Sin. american
, frambue
, frambul
, frambulin
-
s.m.
sorte di ue e di vin, dolç e profumât di freule, che a vegnin di chê vît:
e dulà jerino il bacò, il nostran, il merican o freule, la cjanorie? (Luigi Ciceri, Vins D.O.C.)
-
s.m.inv., adi.inv.
colôr ros che al tire sul viole