american
/-àn/
a|me|ri|can
[FO]
-
adi.
de Americhe, des Americhis:
la perle si cjatave racuete te grande arcje dal Continent american. E ancje pierdude e lontane, chê perle e mantignive di simpri i riflès e i colôrs vîfs e fonts de Furlanie (Domeni Zannier, La crete che no vai)
Var. merecan
, merican
-
adi.
(par anton.)
dai Stâts Unîts di Americhe:
i teracîrs e i mosaiciscj […] a àn vût di confrontâsi cui guscj e cu lis esigjencis dal marcjât american (Javier Grossutti, La emigrazion dal Friûl - Vignesie Julie tai Stâts Unîts);
il progrès tecnologjic […] al à fat in mût che il model culturâl american si slargjàs dapardut (Franc Fari, Eric Pascul, Autonomie e democrazie, i numars de socializazion umane)
-
adi., s.m.
che, cui che al è nassût o che al sta in Americhe, soredut tai Stâts Unîts di Americhe:
il linguist american Noam Chomsky, insiemi a cualchi altri, al à dit une vore ben che no si pues stabilî diferencis sientifichis fra lenghis e dialets (Franc Fari, Il cjâf dai furlans);
il pont di riferiment, in chei timps, al è chel de lote dai neris e dai natîfs americans (Fabian Ros, E la Groenlande e tacà a sunâ te sô lenghe)
-
s.m., adi.
[CO, TS]
enol.
sorte di vît di divignince americane, lat.sient. Vitis labrusca:
la lune che e travanave jenfri lis fueis de piergule di merican (Roberto Ongaro, Il muc)
Sin. frambue
, freule
-
sorte di ue e di vin, dolç e profumât di freule, che a vegnin di chê vît:
clinto, merecan, nostran, ancje bacò, siôr… baste che al sedi neri (Riedo Pup, Beâts i viei)
-
adi.
[CO, TS]
zoot.
non comun di une varietât di gjalinis piçulis:
daurman, cu lis manutis mai fermis, i mostrave la gjalinute americane (Maria Forte, Cjase di Dalban)
-
adi.
[CO, TS]
cum.
di forme, mode, stîl e v.i., che si dîs che al ledi daûr di chei dai Stâts Unîts Americhe:
il frutat plui grant al meteve lis scarpis […] cu la ponte merecane che no faseve dulî (Riedo Pup, Zuan Gjeremie)
-
s.m.
aperitîf fat cun vermouth ros, bitter, scusse di limon o naranç