filaine
/-à-/
fi|lai|ne
[CO, TS]
-
s.f.
venat.
spali tacât di une bande te pastorie dai riclams, di chê altre tignût in man e tirât dal oseladôr par che i riclams si movin:
o planti il çus e o tint su une cjarande, / o tiri la filaine: di ogni bande / plovin da chês colinis / porcjaruts, scodoròs, scriçs, cjarandinis (Pieri Çorut, Pes gnocis Vivant-Venture);
chê volte o jeri mat par oselâ, / e imparavi i segrets, plen di rispiet, / di tirâ la filaine e di vuitâ, / da un professôr famôs: Jacum Boschet (Spartaco Muratti, In memorie di Rosari di Lessi)
-
s.f.
(fig.)
ce che al somee un fîl, che al è lunc e sutîl:
une çocje di rôl o di cjastinâr e ardeve par une setemane mandant fûr filainis di fum blanc e lusignis (Pieri Menis, Il cuader de none)
-
s.f.
lungje schirie di robis:
une filaine di oris vueidis (Nadia Pauluzzo, Insumiâmi di Buie)
Sin. file1
, filze
, sfilze
-
discors lunc lunc:
al domandà se a savevin dulà che e jere a stâ Jolande. Une femine che e gugjave daûr dal banc jal spiegà cuntune filaine che no finive plui (Carlo Sgorlon, Prime di sere)
