Dizionari de Lenghe Furlane

fenoli  /-ó-/  fe|no|li  [CO, TS]

1. s.m. bot.com., gastr. plante tignude tant che ortaie e pes sôs fueis e semencis, che a son aromatichis, lat. sient. Foeniculum vulgare:  sverdein tal ort lis favis e i fenoi / e al lampe il mâr turchin, oltri i pustots (Enrico Fruch, Marina di Pesaro); [a Fevrâr] plantâ ai e patatis; semenâ: bledis, cesarons, favis, fenoli, ravanei, savôrs, spinazis (Renato Appi, Il Strolic furlan pal 1980); i benandants armâts di une mace di fenoli e i strions di cjanis di soròs o di scovis (Sandri Carrozzo, Friûl di Magance)
   Var. fanoli
   
   1. la base di chê plante, che si pues mangjâ crude o cuete in plui manieris:  fenoi e peverons / che spes e presentavin / i siôrs de lis pensions / ai pelegrins di tiarce (Zaneto, I furlans a Rome)
   2. lis fueutis o lis semencis di chê plante:  "Jo us consei la camamile, impacs di camamile, e magari meteitgji dentri un pocje di malve e un pôc di fenoli" (Bruno Paolo Pellarini, Comari 'Sese)
   3. infusion o licôr di semencis di chê plante:  "O cor a fâti un bon cafè". / Ma sei fenoli, sei cafè, sei sgnape, / i zovin tant che la aghe frescje a un cjoc (Spartaco Muratti, La massarie di pre Checo)
2. s.m. [CO, TS] bot.com. spec. tal pl., non gjeneric di plui speciis di umbrelifaris
   Sin. fenoglat , cornul , çuvite
3. s.m. (fig., spres.) om omosessuâl, ancje tant che titul di ofese:  "Ma va in casin, Corrado, cui vûstu che a si meti cun chel fenoli!" (Carlo Tolazzi, La salamandrie tal fûc); l'arbitri, dut câs, al jere simpri chel plui criticât. I nons a levin di “cudumar flap” a “fenoli vendût” (Cristina Noacco, Faliscjis)
   Sin. buzar , buzaron , culatin

Polirematichis e espressions idiomatichis

• fenoli di aghe loc.s.m.
• fenoli salvadi loc.s.m.
• fonc dal fenoli loc.s.m.