falçut
/-ùt/
fal|çut
[CO]
-
s.m.
imprest di contadins cuntun mani lunc di len, di podê cjapâ cun dôs mans, e insom une lame lungje e fine, doprât pal plui par seâ jerbe:
cjape sù, Meni, il to falçut e va / tal cjamp, che l'urtitûl l'è di seâ (Anonim, Il Strolic furlan pal 1942);
jarbe rosse e dure, buine di rompi ancje la cruchigne e no dome la lame dal falçut (Alviero Negro, La plui grande fature)
Sin. falç
, falcet
Cfr. sesule
, mantie
, cruchigne
, falçâr
-
ancje in riferiment dome ae lame di metal di chel imprest
-
(ancje fig.)
tant che simbul di alc che al see, che al taie, che al fâs murî, in particolâr tant che atribût de personalizazion de muart:
e dât la côt al so falçut la Muart, / fasint il ben compît,/ i darà il passepuart / par lâ a cjatâ il requiescat so marît (Pieri Çorut, Il Strolic furlan par l'an 1821)
-
s.m.
imprest cun lame grande, arcade, e mani curt, di cjapâ cuntune man sole, doprât pal plui par seselâ, viôt sesule
:
a pene si nacuarzevin che [lis âfs] scjampavin, omps, feminis, fruts corevin a cjoli il falçut o atris fiars, cul martiel, cu la roncee, cui claps, con dut ce che podevin batevin intor li lamis, in mût che il sun al fasès grant sunsûr par che si fermin (Maria Paoluzzi, Lis âfs, come une volte)
