fâle curte
[AF]
-
loc.v.
(coloc.)
finî alc, soredut un discors, cence pierdi plui timp o cence pierdisi in tancj detais:
cualchi comarute e à vût dit che e jere masse supierbeose: savêso parcè? Parcè che no cjatave il timp par fâ careghete e par stâ a scoltâ i peteçs de vile; e cu lis comarutis le faseve curte (Josef Marchet, Lis predicjis dal muini);
la Taresine si maridà prime di dutis. Par un an e veve fevelât cul fi dal fornâr, cun Berto, po lui al veve volût fâle curte. Taresine e jere ben tocade e la famee di lui le spietave vulintîr (Maria Forte, La fie çuete);
Fasile curte Orgnan! O soi stuf di scoltâti! (Checo Tam, Sense)
-
dispès in incîs che a introdusin alc che al è un struc o la conclusion di informazions che si podarès dâ cun plui detais:
o ai cjaminât lis oris! Ogni tant mi sentavi su la nêf e mi pareve di ricreâmi… Ben, par fâle curte, a fuarce di zirâ o ai cjatade une buse sot di une çobare, e dentri jo (Riedo Pup, L'armistizi dal '16);
Marie […] e tache a contâ. «Kosim è sparito». Par fâle curte, une sere Kosim al jere lât a vore, dopo mangjât, disint che al veve un lavôr di finî (tantis voltis al steve là ancje fin une o dôs di gnot). Però, chê volte nol jere plui tornât (Igor Londero, Delit in vie del Lavoro)
Components:
-
curt
adi., s.m.
-
fâ
v.tr., s.m., v.intr.