Dizionari de Lenghe Furlane

fâ ombre    [CO]

1. loc.v. no lassâ passâ la lûs direte:  sul viâl, indulà che i platins a fasevin ombre su la roie, si capive che e jere citât, e la int e jere vistude intune altre maniere e invezit dai çocui e veve lis scarpis (Gianni Gregoricchio, Îr e doman)
   Sin. fâ ombrene
2. loc.v. (fig.) fâ someâ mancul impuartant:  la vere motivazion, invezit, e jere soredut politiche: la gnove Universitât no veve di fâ ombre a chê di Triest (William Cisilino, Parcè che l’ateneu no si clame Università del Friuli)
   Sin. fâ ombrene
3. loc.v. (fig.) fâ vê un brut suspiet, fâ pensâ o previodi alc di brut:  jê e veve scomençât a rompi i rispiets e par robis di nuie i diseve: "Russimi! Mê ave!" e se lui i domandave là che al jere un façolet o alc altri, i rispuindeve: "Al è là che al pese!…" Un principi, insume che nol prometeve nuie di bon; un alc che i faseve ombre (Maria Forte, Mabile la Lunghine)

Components:

• fâ v.tr., s.m., v.intr.
• ombre s.f., inter.