fâ il mat
[CO]
-
loc.v.
compuartâsi in maniere dal dut irazionâl, ancje di pueste:
svelt el mulinâr su la cjeze e li al si met a fâ el mat; cul forcjat e cul lincin al tire fûr a macs di fen e ju bute tal curtîf, e jù bestemis che fasin sgrisul (Dolfo Zorzut, Cui che al coione, al reste coion)
-
loc.v.
vê un compuartament fûr di regule, cence limits, inibizions e v.i.:
"Titute, parcè no vegnial cun me ancje cheste sere?…" "A fâ el mat baste une volte sole!… Chê moracjone serpentine mi à spelât el tacuin!…" (Arturo Feruglio, Viaç a Vignesie);
"Sta atent a chel che o ti dîs jo. E tu sâs che to barbe, al varà fat magari il mat, ai siei timps, al varà magari fat fûr trê cuarts dal so patrimoni cul lâ ator pal mont […]" (Vittorio Vittorello, A ogni cost)
-
loc.v.
ancje di orghin, aparât, machinari, dal timp meteorologjic, di un animâl e v.i., jessi diviers dal normâl, no funzionâ in maniere normâl, vê manifestazions dificilis di previodi o che a puedin fâ dams e v.i.:
o previôt da vuê a doman / che varìn cualchi burlaç; / l'è garbin e tramontan / che scomencin a fâ i mats (Pieri Çorut, Il Strolic furlan par l'an 1852);
invessi di fâ el so dovê, [il cjan di cjace] al traviarse la mediche e, beât di gjoldisi liberamentri la zornade serene, al scomence a fâ el mat intun cjamp di blave (Arturo Feruglio, 15 di Avost)
Components:
-
fâ
v.tr., s.m., v.intr.
-
mat
adi., s.m.
Proverbis:
- une volte ogni tant si po fâ i mats