Dizionari de Lenghe Furlane

fâ diferencis    [CO]

1. loc.v. tratâ cdn. miôr o piês di ce che al merete, in situazions li che invezit si varès di jessi imparziâi:  mi pâr che [il pape] al è masse talian. Par jessi cristians si po jessi talians, furlans, todescs, sclâfs, ducj compagns. Nol varès vût di fâ diferencis (Francesc Placerean, I furlans a àn di preâ te lôr lenghe par cuistions di religjon e di dignitât); la justizie che e je là di là e je par ducj compagne, ancje pes maris dai Sants, e il Signôr nol po fâ diferencis. Intal câs de mari di sant Pieri al veve fat ancje masse (Alviero Negro, Lis çariesis pe mari di sant Pieri)

Components:

• diference s.f.
• fâ v.tr., s.m., v.intr.