fâ cori
[AF]
-
loc.v.
indusi o permeti che cdn. o une bestie o un veicul o alc al cori:
al si divertive a fâ cori il cjan pal broili (Alan Brusini, Amîs come prime)
-
fâ in mût o permeti che alc al passi:
a vevin lassade la puarte de cjamare in sfese, tant di fâ cori un fîl di aiar (Gianni Gregoricchio, Trê feminis)
-
loc.v.
fâ passâ:
o lassi che al prei e al fasi cori injenfri i dêts la corone dal rosari (Ivano Urli, Storie di Min)
-
loc.v.
fâ funzionâ:
par là di là al jere un trop di int che al cjalave e che al rideve, e Justin, montât su la biciclete, che al faseve cori la muele e che al spargotave lusignis par ogni cjanton (Gianni Gregoricchio, Îr e doman);
il cjarbon di Ingjiltera par fâ cori lis machinis dei nestris lavoratoris (Federigo Comelli, Il me paîs)
-
loc.v.
fâ lavorâ une vore svelt:
se ti cjolevin a vore, ti fasevin spudâ la anime su lis armaduris di tant che e ti fasevin cori (Alan Brusini, Par stradis lungjis)
-
loc.v.
fâ scjampâ, socâ vie cun violence o menacis:
ti racuardistu? ancje jo ti ai bussade propri tal puarte fûr di nape; to pari al mi à fat cori, e jo cimût che ai vaiût e maludit el mont in chê volte! (Dolfo Zorzut, La furlane);
une dì barbe Remo […] al à fat cori Lelio, disintji une par colôr e di chê dì no si è fat plui viodi (Checo Tam, Il barbîr)
Components:
-
cori
v.intr., v.tr.
-
fâ
v.tr., s.m., v.intr.
