Dizionari de Lenghe Furlane

fâ ale    [CO]

1. loc.v. metisi a svolâ o svolâ:  il passaç dai colomps salvadis che a fasevin ale sui vuelis zâi de braide (Alan Brusini, Il zardin)
2. loc.v. stâ dongje, cuntune disposizion che si slungje di une bande:  la int e faseve ale di ca e di là dal puarton spalancât (Roberto Ongaro, Il muc)
   Cfr. fâ corone
   
   1. (fig.) stâ dongje tant che poie o tant che complement:  cun cheste fede la cuarte o cuinte o seste Italie e je tornade in Quirinâl cu la cotule imblecade dal mil nûfcent e cuindis. Al mancjave a fâi ale nome Gabriel D'Annunzio: il talian tipo, il tambûr autentic dal spirt nazionâl (Josef Marchet, La cotule imblecade)

Components:

• ale s.f.
• fâ v.tr., s.m., v.intr.