Dizionari de Lenghe Furlane

espotic  /-ò-/  es|po|tic  [CO]

1. adi. di sisteme di podê caraterizât di mancjance di condivision, di imposizion de volontât di cui che al comande in maniere assolude:  in timp di monarchie, di podê espotic e di division di classis (Antoni Beline, I furlans e il templi)
   Var. spotic , dispotic
2. adi. di cdn., che al dopre il so podê cun prepotence, che al impon la sô volontât:  "Biela fin che a 'nd àn fata! Massa bulos, lôr, in ultin […]" "Pretesârs espotics…" (Ros di Vilès, Burlaç…)
   
   1. di alc, caraterizât di prepotence, di imposizions
3. adi. di cdn., che al à la proprietât esclusive di alc:  Talico Repipin, di fatôr che al jere in cjase dal cont Nardon, vuê si cjate a sei paron. Paron espotic dal palaç dai siôrs, dai cjasâi dai fameis, dai broilis, dai roncs (Alan Brusini, Il colôr dal marcjât)
   Sin. assolût , esclusîf
   Var. spotic
   
   1. di proprietât o facoltât, che e je prerogative esclusive, che no à bisugne di condivision o aprovazion di altris:  cuant che i nestris paîs a jerin bielzà plantâts cun int dal nestri stamp, lôr [i pagans] a vevin ancjemò paronance espotiche di cualchi sît (Josef Cjargnel, I pagans di Muine)