esclusîf
es|clu|sîf
[CO]
-
adi.
che al esclût, che al elimine alc o cdn. di precîs o il rest o chei altris in gjenerâl:
lis bataiis plui iluminadis pal ricognossiment de proprie identitât, intindude no intun sens esclusîf (Remo Cacitti, Glesie furlane, Popul di Diu);
Nogara, tal 1936 al imponè l'ûs esclusîf de lenghe taliane par regolament tal seminari (Adrian Cescje, Memoriis di politiche linguistiche)
-
adi.
che al è prerogative di un sôl sogjet o di pôcs sogjets, che nol è condividût cun altris:
o ritignìn necessari che, jenfri lis competencis esclusivis de Regjon a sedin cjapadis dentri almancul chestis materiis […] (William Cisilino, Par une regjon plurilengâl e policentriche);
un argoment reazionari e esclusîf dai partîts di drete (Federica Angeli, Minorancis linguistichis e resistence. Friûl-Vignesie Julie, Italie, Europe)
-
adi.
dome par pôcs, che dome pôcs a rivin a permetisi, otignî o sim.:
une borse di une marcje esclusive (Sandri Di Suald, Comunicâ la autonomie)
Sin. par pôcs
, risiervât
, speciâl
-
che al è dome di o par pôcs elets, che a son miôr di chei altris:
o crodevin di partignî a une sorte di clape esclusive: o scoltavin la musiche plui biele, plui ricercjade, o leievin lis poesiis dai Maledets, […] o crodevin di jessi nô i miôr (Checo Tam, Cocteau Twins su Netun (ma no il planet))
Sin. elitari